चीनको एजेन्सीले सम्हाल्न सक्छ पाकिस्तानमा चिनियाँहरूको सुरक्षा
China's security agency can handle the security of Chinese citizens in Pakistan
पाकिस्तानमा चिनियाँ नागरिकमाथि लगातार हुने हमलाबाट चीन आक्रोशित छ। यसैलेपाकिस्तानमा चिनियाँ नागरिकको सुरक्षाका लागि चीनले अब त्यहाँ आफ्नै सुरक्षा निकाय तैनाथ गर्न सक्ने भएको छ। चीनले पाकिस्तानसँग खुलेरै यो कुरा व्यक्त गरेको छ ।
उल्लेखनीय छ, पाकिस्तानको कराँची विमानस्थलबाहिर आइतबार भएको शक्तिशाली विस्फोटमा दुई चिनियाँ कामदारको मृत्यु हुनुको साथै अन्य १७ जना घाइते भएका छन् । अधिकारीहरुका अनुसार पाकिस्तानको सबैभन्दा ठूलो एयरपोर्ट बाहिर एउटा ट्याङ्कर विस्फोट भएको थियो । चिनियाँ नागरिकलाई निशाना बनाएर भएको यो आक्रमणपछि चीन सरकार आक्रोशित बनेको छ ।
आइतबार राति पनि पाकिस्तानको कराँची एयरपोर्ट नजिकै चीनको आर्थिक सहयोगमा पोर्ट कासिम पावर जेनेरेसन कम्पनीको काफिलामा आक्रमण भएको थियो । जसमा दुई चिनियाँ नागरिकको मृत्यु भएको छ भने एक चिनियाँ नागरिक घाइते भएका छन् । यसमा धेरै पाकिस्तानीहरुको पनि ज्यान गएको छ । यस हमलालाई लिएर पाकिस्तानस्थित चिनियाँ दूतावासले विज्ञप्ति जारी गरी हमलाको निन्दा र असन्तुष्टि व्यक्त गरेको छ। पाकिस्तानस्थित चिनियाँ दूतावासले आक्रमणको छानबिन गर्न र दोषीलाई कडा कारबाही गर्न सम्भावित सबै कदम चाल्नुपर्ने बताएको छ। पाकिस्तानमा रहेका चिनियाँ नागरिक, संस्था र परियोजनाहरूको सुरक्षा सुनिश्चित गर्न प्रभावकारी कदम चाल्न निकै महत्त्वपूर्ण रहेको पनि बताइएको छ।
यसअघि पनि पाकिस्तानमा चिनियाँ नागरिकलाई निशाना बनाइएको थियो । बलुच विद्रोहीहरूले अगस्टमा एक विज्ञप्ति जारी गर्दै चिनियाँ नागरिकले ग्वादर र बलुचिस्तान छोडेनन् भने उनीहरूले परिणाम भोग्नुपर्ने बताएका थिए। चिनियाँ नागरिकमाथि भएको आक्रमण र चीनबाट आएको आक्रोशलाई ध्यानमा राख्दै गुप्तचर निकायले पाकिस्तानमा रहेका चिनियाँ नागरिकको सुरक्षाको जिम्मेवारी चीनले नै लिन सक्ने बताएको छ ।
चीन पाकिस्तान इकोनोमिक करिडोर (CPEC) सँग सम्बन्धित चिनियाँ नागरिकहरुमाथि यसअघि पनि आक्रमण भएको थियो । यो चीनका लागि महत्वपूर्ण परियोजना हो र यसमा चीनले करोडौं डलर खर्च गरेको छ । गुप्तचर एजेन्सीहरूको रिपोर्टका अनुसार चीन २०२२ देखि सीईपीसीमा काम गरिरहेका चिनियाँ इन्जिनियर र कर्मचारीहरूको सुरक्षालाई लिएर चिन्तित थियो। त्यसबेला पनि चीनले चिनियाँ नागरिकको सुरक्षाका लागि पाकिस्तानमा चिनियाँ सुरक्षा एजेन्सीको एक युनिट तैनाथ गर्न भनेको थियो तर पाकिस्तानले त्यसलाई अस्वीकार गरेको थियो। तर अहिले चीनको दबाब बढ्दै गएको छ ।
चीन र पाकिस्तानबीच छिट्टै संयुक्त सुरक्षा कम्पनी फ्रेमवर्क (आतंकवाद विरोधी सहयोग) मा हस्ताक्षर हुने विश्वास गरिएको छ। यसको अर्थ चिनियाँ सुरक्षा एजेन्सी बलुचिस्तानमा तैनाथ हुन सक्छ। गोप्य एजेन्सी स्रोतका अनुसार यस ढाँचा अन्तर्गत चिनियाँ नागरिकको सुरक्षाका लागि बनाइने सुरक्षा प्रोटोकल, भित्री सर्कललाई चिनियाँ सुरक्षा निकायका मानिसहरूले र बाहिरी सर्कललाई पाकिस्तानी सुरक्षा बलहरूले हेरचाह गर्नेछन्।
