विश्व कब्जा गर्न चीनले बनायो खतरनाक योजना, बनाइरहेछ एयरशिप आर्मी

चीनले विश्वभर जासुसी गर्नका लागि निकै ठूलो र खतरनाक योजना बनाएको छ । चीनले ठूला विमानहरूको एक सेना अर्थात एयरशिप आर्मी तयार गरिरहेको विज्ञहरू बताउँछन्। एयरशिप भनेर चिनिने यी जहाजहरू वास्तवमा चीनका लागि जासूसी हतियार हुनेछन्, जसको मद्दतले चीनले सम्पूर्ण विश्वमाथि नजर राख्न सक्नेछ। चीनले पर्यटनको नाममा यस्तो गरिरहेको छ ।

यी विशाल हल्का हवाइजहाजहरू प्रारम्भिक १९०० को दशकमा धेरै लोकप्रिय हुने गर्थे। यिनीहरूलाई ब्लीम्पहरू भनिन्थ्यो, तर तिनीहरू हालैका दशकहरूमा गायब भएका थिए। अब चीन फेरि यी जहाजहरूलाई आकाशमा उडाउन तयार छ। यी सबै अभ्यासहरू विश्वमा आफ्नो साम्राज्य विस्तार गर्ने चीनको योजनाको हिस्सा हुने विज्ञहरूले बताएका छन्।

२०२५ सम्ममा नै यी जहाजहरू प्रयोग गर्ने योजना चीनले बनाएको छ। एक चिनियाँ पर्यटक एयरशिप कम्पनीले आफ्ना यात्रुहरूलाई आकाशमा पठाउन यी जहाजहरूमा काम सुरु गरेको छ। तर विज्ञहरू भन्छन् कि पर्यटकका लागि एयरशिपहरू बनाइएको हो भनेर विश्वास गर्नु भनेको ठूलो गल्ती गर्नु बराबर हो। प्रोफेसर अशोक स्वेनले ब्रिटिश मिडिया आउटलेट द सनलाई भनेका छन्, ‘हामी चीनले भनेका कुरालाई कहिल्यै सत्य मान्न सक्तैनौं।’

प्रोफेसर अशोक स्वेनले भने कि, ‘यदि तपाईँले चिनियाँ सैन्य खर्चलाई हेर्नुभयो भने, यसमा सैन्य उद्देश्यका लागि अन्य धेरै क्षेत्रहरू समावेश छैनन्। यो चीनको ठूलो चाल हो, जुन उसले लामो समयदेखि गर्दै आएको छ। उनले भने, ‘यस अवस्थामा हामी कुनै कारण देख्दैनौँ कि चीनले यसको सैन्य उद्देश्यका लागि प्रयोग गरिरहेको छैन वा गर्दैन। वा त्यस्तो योजना बनाइरहेको छैन।
स्याटेलाइट तस्बिरहरूले देखाउँछन् कि चीनको उत्तर-पश्चिमी क्षेत्रमा यी विशाल एयरशिपहरू राख्न ह्याङ्गरहरू निर्माण गरिएको छ।

गत वर्ष, देशको उत्तर-पश्चिमको एक बेसमा स्याटेलाइट छविहरूमा ठूलो एयरशिप देखिएको थियो। यी तस्बिरहरू पहिलो पटक नोभेम्बर २०२२ मा खिचिएका थिए, एक मरुभूमि सैन्य परिसरमा एक सय-फिट अग्लो एयरशिप देखिएको थियो। प्रोफेसर अशोक स्वेन भन्छन्, ‘यो सबै चिनियाँ राष्ट्रपति सी जिनपिङको विश्व कब्जा गर्ने योजनाको एक हिस्सा हो, जसमा यी ठूला ब्लीम्पहरू निगरानीका लागि प्रयोग गरिने छन्। यसले चिनियाँ सेनालाई विश्वव्यापी पहुँच प्राप्त गर्न पनि मद्दत गर्नेछ। अशोकले भने, ‘मलाई लाग्छ यो निगरानीका लागि बनाइएको हो।’