पाकिस्तानको खैबर पख्तुनख्वा प्रान्तमा भएको विस्फोटमा दुई बालबालिका र एक महिलाको मृत्यु भएको छ । पाँचजनाको अवस्था गम्भीर

पाकिस्तानको पिशिन जिल्लाको मुख्य बजार सुर्खब चोक नजिकै विस्फोट भएको बताइएको छ । दुर्घटनामा परी दुई बालबालिकाको घटनास्थलमै मृत्यु भएको छ भने १४ जना घाइते भएका छन् । घाइतेहरुलाई क्वेटास्थित ट्रमा सेन्टरमा भर्ना गरिएको छ । जहाँ एक महिलाको मृत्यु भएको थियो ।

पाकिस्तानको बलुचिस्तान प्रान्तको एक बजारमा शनिबार विस्फोट भएको छ । जसमा एक महिला र दुई बालबालिकाको मृत्यु भएको थियो । यस्तै दुई प्रहरीसहित १३ जना घाइते भएको बताइएको छ । यो जानकारी स्थानीय सञ्चारमाध्यमले दिएका छन् ।

पिशिनका मेडिकल सुपरिटेन्डेन्टले जारी गरेको सूचीलाई उद्धृत गर्दै
डन न्यूजले पिशिन जिल्लाको मुख्य बजारको सुर्खब चोक नजिकै विस्फोट भएको जनाएको छ । दुर्घटनामा परी दुई बालबालिकाको घटनास्थलमै मृत्यु भएको छ भने १४ जना घाइते भएका छन् । घाइतेहरुलाई क्वेटास्थित ट्रमा सेन्टरमा भर्ना गरिएको छ । जहाँ एक महिलाको मृत्यु भएको थियो । तीमध्ये पाँच जनाको अवस्था गम्भीर रहेको बताइएको छ ।

खैबर पख्तुनख्वा र बलुचिस्तान प्रान्तका प्रहरी अधिकारी र चेकप्वाइन्टमा भएको शृङ्खलाबद्ध आक्रमणको यो पछिल्लो घटना हो । सन् २०२२ मा युद्धविराम तोडेपछि प्रतिबन्धित तहरीक–ए–तालिबान पाकिस्तान (टीटीपी) को सुरक्षा बलमाथि आक्रमण बढेको छ ।

पिशिन मुजिबुर रहमानका अनुसार
घाइते दुई प्रहरीको अवस्था गम्भीर रहेको छ । उनले भने, ‘विष्फोटक पदार्थ मोटरसाइकलमा राखिएको थियो । जसका कारण तीनवटा सवारी साधनमा क्षति पुगेको छ । प्रतिआतङ्कवाद विभाग (सीटीडी) र बम डिस्पोजल टोली अनुसन्धानका लागि प्रमाण सङ्कलन गर्न घटनास्थलमा पुगेको अधिकारीहरूले बताएका छन्।

सरकारी टेलिभिजन च्यानल पीटीभी न्यूजका अनुसार पिशिनस्थित डेपुटी कमिस्नरको कार्यालय नजिकै विस्फोट भएको हो । नोश्की जिल्लामा सडक छेउमा भएको विस्फोटनमा परी दुई पैदलयात्री घाइते भएको केही दिनपछि यो आक्रमण भएको हो । गत महिना पनि पिसिनमा भएको बम विष्फोटमा तीन जना सीडीटी अधिकारी र तीन जना यात्रु घाइते भएका थिए । सोही दिन केच जिल्लाको बुलेडा इलाकामा एक सैनिकको मृत्यु भएको थियो भने अन्य सात जना घाइते भएका थिए।